見證 (粵語)

好似好多喺文革期間長大嘅中國人噉, 我父母使用獨立自主, 自力更生, 懷疑極端思想嘅原則教育我同我個妹。當我長大以後, 通過媒體睇到啲保守派人士嘅種種言論, 我嗰陣時覺得基督教好似同愛無關, 事實搞到好多紛爭。仲有我嗰陣遇到啲去教會嘅人睇落都唔係好好嘅基督徒代表, 佢哋明明咁傷害人, 行為亦好自私。 我嗰陣諗: "呢啲無知嘅行為應該同教會嘅教育有關呀嘛"。

不過而家諗起, 噉睇法其實係為咗證明我自己嘅正義, 顯示我比嗰啲信神嘅人更醒目, 更好。坦白講, 我雖然喺學業上都取得成功, 但係因為呢種得戚, 搞到我喺屋企有好多拗撬。 一方面我覺得我比我父母更了解我應該點樣做, 另一方面我又要佢哋嘅贊同, 喺度搞到不可調和嘅緊張局勢。 結果我做咗自己嘅睇法同第啲人對我睇法嘅雙重奴隸。

幾年過咗, 高四寒假中俾大學錄取之後, 兩位朋友 Sam 同埋 Albert 邀請我去教會, 橫𠶧學習冇壓力咋, 我就應承咗。當我參加禮拜時, 我覺得好奇怪兩個朋友好似真誠相信呢位主。佢哋承認自己唔得, 唔似我鍾意表現自己強。

當日牧師講道嘅信息係關於 "超越人所能理解嘅基督之愛" 同埋 "基督嘅愛係幾咁長闊高深" (弗3:16-19)。講道結束之後, 牧師叫聽眾自己禱告。嗰陣我都係唔熟悉禱告嘅方法, 所以我就喺度低頭反思。

我腦子入面思緒萬千：“呢個上帝已知我同家人嘅關係唔和嘅, 仲有佢都見到我癡迷于自己㗎。係咪我真係關心第哋人啩, 仲係我一切為自己服務啫?“ 過咗一陣靜默之後, 我默禱咗: "神呀, 我終於要同你講話喇。點解我冇搵到任何人可以理解我呀? 點解我努力會導至痛苦呀?” 我認識到我嘅行為咁損害創造我嘅神嘅榮耀, 因為我努力自己要當成咗神。 根據我所造成嘅痛苦, 我本來該得到懲罰。 但係我聽到神講個好消息: 耶穌噉謙卑嚟到世上, 唔單止唔給予我應該受嘅審判, 反而流血喺十字架上嚟買贖我呢個沙塵敗壞嘅人。仲有基督既從死裡復活, 佢就勝過罪同死亡。 所以佢都會俾我得平安。 如果我信佢, 我就俾佢嘅愛充滿, 俾佢做我嘅主, 就唔再係學業成績、父母、甚至我自己嘅期望話事。 喺佢犧牲嘅愛裡我唔再需要其他更貴重嘅嘢。

呢個係一個好消息,唔单止係我有好表現先會被接納。 呢個福音話我一旦接受, 確信無疑, 我會開始過一個被祝福嘅生活。 因為創造宇宙嘅神真係愛我, 所以我而家先可以去經歷平安, 去真正愛人喇。